4జీ సర్వీసు అందించడంలో మరోసారి టాప్‌లో నిలిచిన‌ జియో, ఐడియా

టెలికాం  సంచలనం ముకేశ్‌ అంబానీ నేతృత్వంలోని రిలయన్స్‌ జియో దూసుకుపోతోంది.  4జీ సర్వీస్‌ డౌన్‌లోడ్ స్పీడ్‌లో మరోసారి టాప్‌లో నిలిచింది.  టెలికామ్ రెగ్యులేటరీ అథారిటీ ఆఫ్ ఇండియా(ట్రాయ్) నవంబర్‌ గణాంకాలను విడుదల చేసింది. అక్టోబర్‌తో పోలిస్తే 4జీ వేగం కొంచెం తగ్గినప్పటికీ 20.3 సెకునుకు  ఎంబీపీఎస్‌ స్పీడ్‌తో జియో టాప్‌ ఉంది. అక్టోబర్‌లో ఇది 22.3 గా ఉంది.

యూజర్లకు 4జీ సర్వీసు అందించడంలో మిగతా నెట్‌వర్క్‌ల కంటే జియో ముందుంది. ట్రాయ్‌ అందించిన లెక్కల ప్రకారం నవంబరులో డౌన్‌లోడ్ స్పీడ్‌లో జియోదే పైచేయి. అప్‌లోడ్ స్పీడ్‌లో ఐడియా సెల్యులార్  టాప్‌లో నిలిచింది.

మరోవైపు సమీప ప్రత్యర్థి భారతీ ఎయిర్‌టెల్‌ డౌన్‌లోడ్‌ స్పీడ్‌ ఈ నెలలో కొంచెం మెరుగుపడింది. ఎయిర్‌టెల్ డౌన్‌లోడ్ స్పీడ్ 9.7 ఎంబీపీఎస్‌ నమోదైంది. గత  నెలలో ఇది 9.5గా ఉంది. వొడాఫోన్ డౌన్‌లోడ్ స్పీడ్‌  కూడా స్వల్పంగా మెరుగుపడింది. అక్టోబర్‌ 6.7 ఎంబీపీఎస్గాఉండగా.. ప్రస్తుత నెలలో 6.8స్థాయికి పెరిగింది. ఐడియా సెల్యులార్  4జీ డౌన్‌లోడ్‌ స్పీడ్‌ 6.4 నుంచి 6.2 కి పడిపోయింది.

అయితే అప్‌లోడ్‌ స్పీడ్‌లో (5.9ఎంబీపీఎస్‌) తన టాప్‌ స్థానాన్ని నిలబెట్టుకుంది ఐడియా.  సెకండ్‌ ప్లేస్‌లో వోడాఫోన్‌ (4.9)నిలవగా, జియో (4.5) మూడవస్థానంతో సరి పెట్టుకుంది. అయితే ఇక్కడ కూడా ఎయిర్‌టెల్‌ స్వల్పంగా పుంజుకుంది.

అయితే యూజర్ల విషయంలో డౌన్‌లోడ్ స్పీడే చాలా ముఖ్యం. వీడియోలు చూడటం, ఇంటర్నెట్ బ్రౌజ్ చేయడం, యాప్స్ ఆపరేట్ చేయడంలో డౌన్‌లోడ్ స్పీడ్ ప్రభావం చూపిస్తుంది. ఎవరికైనా వీడియోలు, ఫోటోలు, ఇతర ఫైల్స్ షేర్ చేయాలనుకుంటే మాత్రం అప్‌లోడ్ స్పీడ్  చూస్తారు.  మైస్పీడ్ అప్లికేషన్‌లో రియల్ టైమ్ ఆధారంగా సగటు స్పీడ్ తెలుసుకోవచ్చు.

About Digital For You

Computers For You is a Leading Technology & Career Magazine Publishing from Hyderabad since 1999. In addition to this Web version, We have been bringing out Computers For You magazine for over 19 years (Since 1999) continuously and this is the Largest Circulated magazine in both the Andhra Pradesh and Telangana States and in addition to these States, this is being circulated in other cities like Bangalore, Chennai, New Delhi, Mumbai & Pune...etc.
View all posts by Digital For You →

Leave a Reply

Your email address will not be published. Required fields are marked *